Чаму «Каза»?
Мы чулi гэтае пытанне не аднойчы... I мы абяцалі вам расказаць i патлумачыць!
Усе памятаюць, што спачатку была «Карова». Мы ведаем, як вам падабалася гэтае месца, ведаем, колькі цёплых успамінаў захоўваюць людзі пра гэты рэстаран i сёння.
Нам вельмі хацелася зберагчы гэтую добрую памяць i асаблiвую сувязь. Улiчваючы, што мы рэстаран беларускай кухні, спачатку была думка назваць наша месца «Зубр», бо гэта сімвал Беларусі…
Аднак паразважалi i зразумелi, што беларуская кухня — гэта, па-першае, старабытная вясковая культура, утульная і хатняя ежа, непаўторная атмасфера.
А хто найлепш за iншых сагрэе ў сцюжу, смачна накорміць і паклапоціцца? Вядома, каза!
У беларускiм фальклоры каза заўсёды ўвасабляла ўрадлівасць, была сiмвалам клапатлівай i шчырай маці.
Нам вельмі хочацца, каб кожны з вас, прыходзячы да нас, адчуваў наш клопат, спакой, быў смачна i сытна накормлены.
Так з’явiлася назва новага рэстарану — «Каза». Месца, у якога ўжо ёсць свая гісторыя і агульная канцэпцыя ўласна беларускай гасціннасці!